中秋已過，一班暑假報名仲夏開班既女同學，泳班上得差不多，就會問：教練，我想續班，但怕凍，續唔續好？哈哈，續唔續班都唸咁耐，可想而知新報名的朋友真係唸到天荒地老！當然，最後選了黃埔的朋友都是明智的。
你一定以為，教練老虎蟹都會話好，係咪？而教練真係會叫同學續的，不是為錢為收生為充數，而係因為秋天學游泳好處真係多！
目錄
泳池人少
天氣一熱，暑假期間泳池迫滿學生大人細路就一定啦！
學游水的，教游水的，睇游水的，浸水的，玩水的，全部出動。
個個都會忽然好想游水，真係識唔識游都去浸下…
迫，係一定的。游水喎，夏天唔游等幾時？
就是等秋天啦！
暑假過後，學生返學補習課外活動，泳池至少隔走咗一大班玩水浸水嘅人，同學唔使一路游一路避人，不用煩。
天氣涼，泳班的學生又會少啲，教練集中教幾個人，加上半邊泳池都任你地游，同學學游水的學習進度都快好多！
Timing 夠 Fit
夏天的時候好想學游水，到真正的起心肝報得名，都已經熱定啦！
一期7堂，加埋請假呀，唔方便個一、兩次休息，學完7堂，都搞成2個月，即係夏天剛剛完結的時候。
同學們，7堂只係一個基本，真正想穩陣有能力「想游就游」，又或出海去游船河，就要在出年夏天前學好游泳，所以學習不要停！
護膚零難度
最後一個 Factor ，對男同學不是吸引之處，對女同學應該是一個幾大嘅 Concern.
秋天開始，泳池泳客人數少，更衣室也人少！
說到這裡，也隱約之間聽到歡呼聲。
游完水，浸完水，水份流失，皮膚需要補濕。
秋天人少少，慢慢沖個熱水涼搽埋 Cream 先走，護膚效果分分鐘好過做 Spa.
秋天游水凍？
講左咁耐，有同學依然會講：會凍噃！
其實真正冬天會凍的時候，泳池會開暖水。有時教練著左保暖衣，齋企係暖水，其實都有少少熱添。
有關游泳保暖衣的選購，請參看《游泳保暖衣選購指南》。
身材要不要保持
最後最後，如果真的想保持身材健美，冬天絕對是「吃多了」的高危時間。
所以，咪唸咁多喇，識得揀，秋天就是學游泳的好時間。學游水操靚身型，使咩等夏天架？
快啲來《女子成人游泳班》專頁報名啦！