是不是大家對所有職業的人物，都會有個固定的形象 (Stereotype)? 就好似醫生係都高高地斯斯文文程至美醫生咁嘅樣，空姐就衝上雲霄 Holiday 同 胡定欣 葫蘆身材滿面笑容，健身教練就 胡力威師傅 或 Rocky 咁大隻到無朋友唔多著衫。
咁游水教練呢？
大部份同學，相信都會話係：黑麻麻又大大隻。
Ok, 咁女教練呢？
大部份同學都會話：應該無咁大隻不過都係黑麻麻。
其他同學和議：係啦係啦！
女教練不一定黑麻麻
其實呢，我哋好多游泳教練都係皮膚好白而且一d都講唔上大隻既女教練。
所以，教練上堂時，不時會有同學問：教練，點解你皮膚咁白嘅？
教練會答：「因為我淨係教夜晚… 」
很多同學會懷疑她假扮，不過其實除了她只是教夜晚，很多游泳池也是室內的啦。
如果女同學怕曬，咁女教練的工作時間和地點也跟著同學啦，所以同學皮膚白，教練的也不會很黑麻麻。
女教練不一定大大隻
很多同學會話，Miss 一啲都唔似教游水，唔大隻但又咁Fit.
Miss 話：「嗱，其實咁既，多謝大家讚我 fit 先啦… 但係喺水裡面呢，我通常都係企喺度，或者 Slow Motion 游幾步做 Demo 俾大家睇（講起有淡淡的哀傷，因為工作不能同時 Keep Fit）…. 我係好勤力做 Gym 同練跑去 Keep 住個身形嘅（信心又返晒黎！）
游泳會變到好大隻？
游泳教練，其實身形有好多種。
女子成人游泳班的同學非常非常擔心的問題：游水愈游愈大舊，愈黎愈橫，膊頭橫左 等等等等
首先呢，千祈唔好以為游水會變到好似奧運啲游泳運動員咁大大隻，游到「發發」聲。專業的運動員，係有其他輔助訓練，同埋訓練方針。
而初學游泳的朋友，大部份時間係游幾下已經彈起身喘氣。如果真的可以學幾堂就邊大隻，我們的男子成人游泳班晨早就爆到七彩啦。
有女士話，游水真的令自己愈游愈大舊，愈黎愈橫，膊頭橫左。
因為 － 她游錯了。
有幾樣可能：
1. 游泳沒有熱身和拉筋，運動後肌肉不懂得放鬆。
2. 因為泳術不好，或者心急想減肥，一味亂游死游猛游，消脂不成肌肉卻跑出來
3. 游泳消耗之後，感到肚餓，大吃大喝
咁樣如果你報讀我們的游泳班，正統學游泳，就沒有以上問題。
正常既成人學游水，唔太用勁去游, 慢慢游唔好急，游到好慳力，游得舒舒服服，意境好似係酒店泳池優雅地游陣水，上水飲啖 Cocktail 咁，輕輕鬆鬆差不多啦。
咁輕鬆的做法，又點會變大隻呢？