很多來參加成人游泳班學游水的同學，本身之前是有「學過吓」的，即是以前已經有一定的游泳基礎。第一堂上課時，就會和 Miss 申明：其實我識游，只不過是「浮得唔好」，你教我浮就得喇！
識游但只浮得唔好，是聽落很矛盾帶點幽默，我們的同學，很多就是如此風趣。
目錄
初學游泳 浮身最重要
學游泳的同學，當然是要學浮身 （參加潛水課程例外）。其實人體肺部內充滿空氣，所以人體只要在入水前適當吸氣，低頭後在水中張開身體加大浮力面積，放鬆身體，即可浮起。
初學的同學，最常見的問題是對水有恐懼，非常容易緊張的，導致肌肉緊繃，因此不易浮起。
不如你教我放鬆啲啦
上次就有位女同學，來上第一節游泳課。開課後不久，就向我表明「其實我識游」，然後同我講：「Miss, 我老公話我再放鬆啲就浮到，你教我放鬆啲啦！」
我真係比佢拋倒！
有乜嘢辦法比講個笑話更有效？
我教你咁多游泳浮身技術，講到口水乾，你話其實我教你放鬆啲就得？
雖然有些兀突，但我咁多年經驗，也絕不是「省油的燈」。
教游泳咁多年，教人成功游泳無數，但教人學「放鬆」… 我真係想笑多啲。
於是我就同佢講：如果我係心理學家，要醫你抑鬱，但就只係一味叫你「放鬆啲」…. 你會唔會比錢我先？
然後，我就同佢一齊大笑起来！
各位朋友，學游泳要浮，唔係只係靠放鬆㗎。
仲有要學擺重心，收緊core，身體姿勢一齊配合等等…
點樣做？淨係我寫 Blog 你睇文章有點會夠呀？要學就報名一齊做 Exercise 啦！
不過我們的泳班出名輕輕鬆鬆，開心最緊要。
游泳要歡樂，隨時抑鬱都醫好！
後記
我們有兩篇文章，是講述初學游泳的游泳技術，希望會對大家有幫助：
練習好口吸鼻呼換氣，再學埋「浮冬瓜」俯臥漂浮技巧，適應水中活動的感覺，要學識浮身動作進而學會游泳，其實好簡單！