11月1日起，康文署轄下18類場所，包括游泳池，強制入場人士掃描「安心出行」二維碼。媒體報導，今早九龍公園游泳池人流不多，大部份人入場前主動舉機掃碼，只有數名長者稱無手機需職員協助「填紙仔」。對於有人指唔識用「安心出行」電話 App，泳客反應：啲人話唔識用就假嘅！

《香港01》今日報道，九龍公園游泳池入場人士使用「安心出行」的反應。

安心出行擾民？暫停游泳轉做其他運動？一於咁話啦！

報道中訪問一些泳客，有泳客批評措施擾民，若日後進一步增加程式權限將暫停游泳，轉做其他不用登記個人資料運動。

我心諗，係就好呀！反正九龍公園游泳池成日都好多人，如果有些人因為強制入場人士掃描「安心出行」二維碼唔再在九龍公園泳池游泳，實在－太。好。啦！

不過，講嘢咩，呢啲人，講就天下無敵，都是候，咪又係身體卻很誠實？！

長者都識用啦啲人話唔識用就假嘅

報道中亦提到，亦有長者稱早已習慣使用安心出行，認為配合政府才能有效抗疫。

而長者說程式亦容易使用：「我都係長者嚟㗎，我都識用啦，啲人話唔識用就假嘅。」

問識唔識用，是否麻煩，長者補充：「冇麻煩，有咩麻煩啫，安心出行喺個牌度嘟一嘟，好快趣，都唔使一秒鐘就搞掂喇。」

她又批評不少人在表格上填假資料，又散播私隱疑慮等陰謀論。她批評有關想法只是陰謀論：「填紙仔有乜好啫，你填『林鄭』、填啲鬼五馬六嘢，填啲唔真實嘅嘢，填嚟做乜？都廢嘅。」

報道提及，大部分人入場前主動舉起手機，掃描「安心出行」二維碼，不需職員提醒，過程大致暢順。

惟亦有數名長者沒有手機，需要在職員協助下「填紙仔」，他們期間埋怨：「又搞多樣嘢，好麻煩。」職員即安撫回應「冇辦法，都要做。」

老實講，梗係麻煩隔。疫情呀嘛，如果唔係邊個想麻煩你？如果怕麻煩就唔駛做，就可以英國美國咁，爆發疫情，到時候就慘。

覺得有需要保護私隱？改做其他不用紀錄行程運動，例如行山及踏單車等，好呀，支持你呀，留返俾我哋呢啲覺得安心出行是能夠接受的人用啦！